Электро хөгжмийн шинэ түүх BOILER ROOM шоуны бичлэг цацагдлаа
.jpg)
Дэлхийн хэмжээний хөгжмийн фестиваль үзэх гэж гаднын улсыг зорьдог цаг хэдийнэ ард хоцорч, манай улсад дэлхийн хэмжээний фестивалиуд зохион байгуулагддаг болжээ.
Өнгөрөгч зургаадугаар сарын 23, 24, 25-ний өдрүүдэд "Монгол Шилтгээн"-д электро хөгжмийн түүхэнд тэмдэглэгдэн үлдэхүйц нэгэн үйл явдал болсон. Гурав дахь удаагаа зохион байгуулагдсан "INTRO Electronic Music Festival" Монголд анх удаагаа BOILER ROOM шоуг хийсэн бөгөөд энэхүү шоуны бичлэг Boiler Room албан ёсны юүтүб сувагт энэ сарын 6-ны өдөр байршиж, дэлхий дахины хүртээл болжээ.
Boiler Room гэж юу вэ?
Электро хөгжим сонирхогч дэлхийн сая сая үзэгчдэд шууд дамжуулалтаар хүрдэг Boiler Room шоуны хэсэгт цөөн тооны "тусгай" үзэгчид орох боломжтой бөгөөд DJ тусгай тайзан дээр биш үзэгчдийн дунд шилдэг сэтүүдээ танилцуулдгаараа онцлог. Хөгжмийн хэмнэлийг эд эс бүхнээрээ мэдрэх боломжтой энэхүү шоуны тайзнаа өөрийн сэтээ толилуулах нь DJ нарын мөрөөдөл гэхэд хилсдэхгүй.
Boiler Room нэртэй юүтүб суваг болон фэйсбүүк хуудас нь тус бүр 3 сая гаруй дагагчтай. Энэхүү сувгуудаар дамжуулан дэлхийн алдартай хотод тоглолтоо хийж буй DJ нарын тоглолтыг шууд дамжуулалтаар үзэх боломжтой нь электро хөгжим сонирхогчдын алдаж боломгүй агшин билээ.
Ингээд хамгийн загварлаг хийгээд хамгийн хөгжимлөг залуусын хуран чуулсан Boiler Room шоу монголд анх удаагаа зохион байгуулагдаж буй түүхэн мөчөөс толилуулъя.
Giin | Boiler Room x INTRO Music Festival
JakoJako | Boiler Room x INTRO Music Festival
TMK | Boiler Room x INTRO Music Festival
Холбоотой мэдээ
Сэтгэгдэл ( 0 )