Дуучин Хва Са садар самуун сурталчилсан хэрэгт БУРУУТГАГДЖЭЭ

Есдүгээр сарын 10-ний өдөр Өмнөд Солонгосын хэвлэл мэдээллийн хэрэгслүүдээр MAMAMOO хамтлагийн дуучин Хва Саг гэмт хэрэгт холбогдож, цагдаа нарт шалгуулсан нь үнэн гэх утга бүхий мэдээлэл цацагдаж эхэлжээ. 

Дуучин Хва Са өнгөрөгч тавдугаар сард "Sungkyunkwan" их сургуулийн оюутны хотхоны наадамд хүрэлцэн ирж үзүүлбэр үзүүлжээ. Ингэхдээ олон нийтийн дунд ёс суртахуунгүй үйлдэл гаргасан хэмээн "Оюутнууд болон эцэг эхчүүдийн хүний эрхийг хамгаалах байгууллага" Сондуны цагдаагийн хэлтэст гомдол гаргасан байна. 

Цагдаагийн хэлтэс тэдний гомдлыг хүлээн авч мөрдөн байцаалтын ажиллагаа эхлүүлжээ. Дуучин Хва Са уг хэрэгт холбогдох мөрдөн байцаалтын ажиллагаанд үнэнчээр оролцсон болохоо мэдэгдсэн байна. 

"Оюутнууд болон эцэг эхчүүдийн хүний эрхийг хамгаалах байгууллага"-ын зүгээс "Sungkyunkwan" их сургуулийн зарим оюутнууд насанд хүрээгүй болохыг онцлон, үзүүлбэр дээрээ байхгүй ёс бус үйлдэл гаргасан нь хууль бус хэмээн үзэж буйгаа илэрхийлжээ.