Аэробик гимнастикийн ААШТ Улаанбаатар хотноо эхэллээ

Аэробик гимнастикийн 8 дахь удаагийн Ази тивийн аварга шалгаруулах тэмцээн Монгол Улсын нийслэл Улаанбаатар хотноо “Буянт-Ухаа” спорт цогцолборт өнөөдөр (2023.09.15) эхэллээ. 

Тэмцээнд Монгол, Австрали, Камбож, Хятадын Хонг Конг, Энэтхэг, Казахстан, Киргикстан, Филиппин, БНСУ, Хятадын Тайвань, Вьетнам зэрэг 11 орны баг тамирчид өрсөлдөж байна. 

Тэмцээний эхний өдөр буюу өнөөдөр бага нас, залуусын ангиллын эрэгтэй, эмэгтэй ганцаарчилсан болон багийн мөн аэробик бүжгийн төрлүүдийн урьдчилсан шатны үзүүлбэр явагдаж нээлтийн ёслол болно.

Тэмцээний хуваарь
 

10:00-11:30 Эрэгтэй, эмэгтэй ганцаарчилсан төрлийн урьдчилсан шатны үзүүлбэр

13:00-14:00 Нээлтийн ёслол

14:00-15:25 Хосын болон багийн урьдчилсан шатны үзүүлбэр

15:35-16:01 Багийн болон аэробик бүжгийн урьдчилсан шатны үзүүлбэр