Авлига, албан тушаалтантай холбоотой зургаан хэргийг шүүхэд шилжүүлжээ

Улсын Ерөнхий прокурорын газраас есдүгээр сарын 18-22-ны өдөр нийт мөрдөн байцаалтын 2542 хэрэгт хяналт тавьж, 232 хэрэгт яллах дүгнэлт үйлдэж, шүүхэд шилжүүлжээ.

Тодруулбал,

• Эрүүл мэндийн халдашгүй байдлын эсрэг 128,

• Өмчлөх эрхийн эсрэг 64,

• Хөдөлгөөний аюулгүй байдал, тээврийн хэрэгслийн ашиглалтын журмын эсрэг 13,

• Хүний бэлгийн эрх чөлөө, халдашгүй байдлын эсрэг 13,

• Хүний амьд явахын эсрэг 6,

• Мансууруулах эм, сэтгэцэд нөлөөт бодисыг хууль бусаар ашиглах 2,

• Авлига, албан тушаалтантай холбоотой 6 хэрэг

Тухайлбал: Нийслэлийн мал эмнэлгийн газрын мал эмнэлгийн хяналтын цэгийн хорио цээрийн улсын байцаагч Э.Х нь албан үүргээ гүйцэтгэж байхдаа иргэн Ц.Э-ээс шан харамж шаардаж, өөрт давуу байдал бий болгосон гэх;

- Иргэн Г.Ж, Б.Ц, П.Г нар нь Дорнод аймгийн нутаг дэвсгэрт тусгай зөвшөөрөлгүйгээр хууль бусаар ашигт малтмал олборлосон, Монгол Улсад ашиглахыг хязгаарласан химийн хорт болон аюултай бодисын жагсаалтад багтсан мөнгөн ус ашигласан, хадгалсан гэх;

- Орхон аймгийн Баян-Өндөр сумын Ерөнхий боловсролын сургуулийн захирал Ц.Ц нь эрх мэдэл, албан тушаалын байдлаа урвуулан ашиглаж, бусдад давуу байдал бий болгосон, бусдаас хахууль авсан гэх хэргийг тус тус шүүхэд шилжүүлсэн байна.