Хятадад к-контентийн эсрэг хоригийг чангатгажээ

Энэ оны эхээр буюу өнгөрсөн дөрөвдүгээр сард Хятад Улс к-контентийг хатуу хориглох шийдвэр гаргасан нь саяхан ил болжээ. 

2022 оны эхний хоёр сарын байдлаар Хятадад Өмнөд Солонгосын олон ангит киног шууд дамжуулан үзэхийг зөвшөөрч байсан ч энэ оны зургаадугаар сар гэхэд к-контентийг хязгаарласан байна.

2016-2017 оны хооронд Япон, Хятад, Тайвань зэрэг улсад Anti Hallyu буюу Солонгос давалгааны эсрэг хөдөлгөөн эрчимтэй өрнөсөн. К-поп уран бүтээлчдийн дуунууд тус улсын чартуудад тогтмол дээгүүр байр эзэлж, гудамж талбай солонгос ресторануудаар дүүрч, телевизүүд тус улсын олон ангит кино, энтертайнмент шоуг өндөр үнээр худалдан авч байсан нь Anti Hallyu үзэлтнүүдийн дургүйцлийг хүргэжээ. Anti Hallyu үзэлтнүүд жагсаал цуглаан зохион байгуулж эсэргүүцлээ илэрхийлснээр Солонгос соёлын нөлөө тус улсуудад бага зэрэг буурсан ч дэлхий дахинаа улам бүр өссөөр байна. 

Харин энэ удаад Хятад улс Anti Hallyu үзлийг улам бүр эрчимжүүлж буй бололтой хэмээн эх сурвалжууд дурджээ.