Тэйлор Свифт шинэ найз залуугийн хамт анх удаа олны өмнө гарлаа

Дуучин Тэйлор Свифт зургаан жил үерхсэн найз залуу Жое Алвинаас өнгөрсөн дөрөвдүгээр сард салсан тухай мэдээлэл цацагдаж байсан. Үүнээс сарын дараа дуучин Мэтти Хэлитэй болзож эхэлсэн Тэйлор Свифт Америк хөл бөмбөгийн тамирчин Трэвис Келстэй болзох болжээ. 

Жое Алвиний хувьд харилцаагаа олны нүднээс нууцлах сонирхолтой нэгэн байсан. Харилцаа нь үерхлээс хэтрэхгүй байсан тул салахаар шийдсэн хэмээсэн Тэйлор Свифт энэ удаад эрх чөлөөг эхэмлэж буй бололтой. 

Тэйлор Свифт, Трэвис Келс нар SNL-ийн afterparty-д хамтдаа хүрэлцэн иржээ. Гар гараасаа барилцан, нэг нэгнээсээ алхам ч холдолгүй хамт байсан хосууд энэхүү үдшийн хамгийн дуулиантай зочдын нэг байсан бөгөөд болзооны цуурхал гарснаас хойш анх удаа олны нийтийн газар хамтдаа гарч ирсэн нь энэ ажээ.