Им Сү Ян жүжигчин Ч Ын Үтэй зургаан цагийн турш үнсэлцсэн тухайгаа ярьжээ

Жүжигчин Им Сү Ян зураг авалтын үеэр Өмнөд Солонгосын хамгийн "хүсэмжит" жүжигчин болох Ча Ын Үтэй зургаан цагийн турш үнсэлцсэн тухайгаа ярьжээ. 

Тэрээр энэ сарын 18-нд KBS2 сувгаар цацагдах "Problem Child In House" нэвтрүүлэгт оролцох үеэрээ энэ тухайгаа ярьсан байна. Им Сү Ян болон Ча Ын Ү нар "Ганнамын гоо үзэсгэлэн" кинонд хамтран дүр бүтээсэн. Тэдний үнсэлцэж буй хэсгийн зураг авалтыг бүтэн зургаан цагийн турш авсан бөгөөд үзэгчдэд илүү гоо зүйтэй харуулахын тулд олон өнцгөөс авсан нь энэ аж. 

Зураг авалтын явцыг хянадаг дэлгэц дээрээс тэд уруулаа хавдаж буйг анзаарчээ. Салбарынхаа хамгийн царайлаг жүжигчинтэй зураг авалтад орох нь Им Сү Яний хувьд томоохон сорилт байсан гэнэ. Бодит амьдрал дээр жүжигчин Ча Ын Үгээс эгч хэдий ч ижил насны дүр бүтээсэн нь мөн л түүнээс ихээхэн ур чадвар шаардсан ажил байжээ. 

Жүжигчин, дуучин Ча Ын Үгийн хувьд үлгэрийн ханхүү мэт харагддагаараа алдартай. Хамгийн хүсэмжит алдартны жагсаалтад дээгүүр байр эзэлдэг тэрээр мэргэжлийнхээ хувьд "төгс" нэгэн байхыг эрхэмлэдэг ажээ.