"Squid Game: The Challenge" шоуны трэйлер цацагдлаа

Дэлхийг дахиныг байлдан дагуулсан "Squid Game" киноноос сэдэвлэн бүтээсэн "Squid Game: The Challenge" шоуны трэйлер цацагджээ.

Netflix-ээр цацагдах энэхүү шоунд дэлхийн өнцөг булан бүрээс ирсэн 456 оролцогч оролцно. Амьд үлдэхийн төлөө харгис тоглоомоор өрсөлдөх тэдэн дундаас цорын ганц ялагч тодрох бөгөөд 4.56 сая ам.долларын эзэн болох аж. 

Трейлер "Squid Game"-тэй төстэй зураглалаар эхэлнэ. Ногоон өнгийн бэлтгэлийн хувцас өмссөн оролцогчид амьд үлдэхийн төлөө тэмцэх бөгөөд ялалт байгуулахын тулд стратеги зохиож, бусдаас урваж буй нь шоуг улам бүр сонирхолтой болгожээ. 

Шоу ирэх сарын 22-ний өдөр Netflix-ээр дамжуулан үзэгчдийн хүртээл болох ажээ.