Триатлоны дасгалжуулагчдын Олон улсын сургалт эхэллээ

Олон улсын олимпын хорооны Олимпын эв санааны нэгдлийн сан, Монголын үндэсний олимпын хороо, Дэлхийн триатлоны холбоо хамтран Триатлоны дасгалжуулагчдын олон улсын сургалтыг арваннэгдүгээр сарын 6-10-нд Улаанбаатар хотноо зохион байгуулж байна.

Сургалтыг Дэлхийн триатлоны холбооноос томилогдон ирсэн Филиппин, Өмнөд Африк, Швейцарийн эксперт багш нар удирдаж, Монголын 14 дасгалжуулагч оролцож байгаа билээ.

Сургалтын үеэр гадаадын өндөр зэрэглэлийн багш нарын хичээл зөвлөгөөг сонсож, улмаар шалгалтыг амжилттай өгснөөр Монголын дасгалжуулагч нар Олон улсын 1-р зэрэгтэй триатлоны дасгалжуулагчийн сертификат гардан авах учиртай юм.