Жон Гүг, Ча Ын Ү нарын хэрэглэж байсан цаасан аяга ХУЛГАЙД алдагджээ

"BTS" хамтлагийн Жон Гүг, "Astro" хамтлагийн Ча Ын Ү, "NCT" хамтлагийн Жэ Хён нар Өмнөд Солонгосын Апгужон дахь зоогийн газарт хооллож байх үед нэгэн гадаад шүтэн бишрэгч нь иржээ. Утсаараа бичлэг хийж байсан энэхүү шүтэн бишрэгч тэднээс гарын үсээ өгөхийг гуйж эхэлсэн бөгөөд түүний энэхүү байдал алдартнуудыг тухгүй байдалд оруулж, чөлөөт цагаа тухтай өнгөрүүлэхийг хүсэж буйгаа илэрхийлсэн байна. 

Хэдийгээр энэхүү шүтэн бишрэгч утасныхаа камерыг унтраасан ч тэндий зургийг авахаа зогсоосонгүй. Залуус хоолоо идэж дуусмагц тэдний хэрэглэж байсан цаасан аягыг хулгайлсан фен нь энэ тухайгаа өөрийн инстаграмдаа нийтэлжээ. Хайртай уран бүтээлчдэд нь бүдүүлэг хандсанд бухимдсан шүтэн бишрэгчид нь энэхүү эмэгтэйг шүүмжилж эхэлсэн бөгөөд эмэгтэй удалгүй инстаграм хаягаа устгажээ. 

Дэлхийн хэмжээний алдартан ч гэлээ sasaeng буюу бүдүүлэг, ёс бус үйлдэл гаргадаг шүтэн бишрэгчидтэй нүүр тулах нь оддын хувьд том асуудал. Эдгээр шүтэн бишрэгчдийг хил хязгаарыг давахгүй байхыг анхааруулсан Жон Гүг зөвшөөрөгдөөгүй үйлдэлд хатуу арга хэмжээ авах болно гэдгээ анхааруулжээ.