Хүчит 256 бөхийн барилдаан болно

Увс аймгийн Бөхмөрөн сумын харьяат, бөхийн чөлөөт барилдааны Олон Улсын хэмжээний мастер, аймгийн арслан Норжингийн Баярмагнайн нэрэмжит аймаг, цэргийн цолтой болон залуу 256 бөхийн барилдаан болно.

Барилдаан арваннэгдүгээр сарын 12-ны Ням гарагийн 11:00 цагт Монгол Бөхийн Өргөөнд болох тов гарчээ.

Барилдах бөхчүүдийг арваннэгдүгээр сарын 10-11-ний өдрүүдэд 10:00-17:00 цагийн хооронд цахимаар бүртгэнэ гэж Монголын үндэсний бөхийн холбооноос мэдээллээ.