Владимир Путин Казахстанд айлчлал хийж байна

ОХУ-ын Ерөнхийлөгч Владимир Путин Казахстанд айлчлал хийхээр иржээ.

Түүний онгоц Астанад газардсан талаар ТАСС агентлаг мэдээлэв. Тэрбээр Казахстаны Ерөнхийлөгч Касым-Жомарт Токаевын урилгаар тус улсад айлчилж байгаа юм.

Энэхүү айлчлалаар К.Токаев, В.Путин нар Казахстан, ОХУ-ын стратегийн хамтын ажиллагааны чухал асуудлуудыг хэлэлцэх аж.

Хоёр улсын удирдагч мөн ОХУ, Казахстаны бүс нутгийн хамтын ажиллагааны XIX форумд цахимаар оролцох юм байна.