И Кан Ин өөрийн биеэр уучлалт гуйхаар Лондонг зорьжээ

Өмнөд Солонгосын хөлбөмбөгийн шигшээ багийн хагас хамгаалагч И Кан Ин багийн ахлагч Сун Хын Минээс биечлэн уучлалт гуйхын тулд Лондонг зорьсон тухай эх сурвалжууд мэдээлжээ.

И Кан Ин энэ сарын 14-ний өдөр инстаграм хуудсаараа дамжуулан уучлал гуйсан. Гэсэн хэдий ч олон нийт түүний гаргасан үйлдэлд эгдүүцэн бойкот хийж эхлээд байгаа бөгөөд их хэмжээний нөхөн төлбөрт унах аюулд ороод буй И Кан Ин ийнхүү өөрийн биеэр уучлалт гуйхаар шийджээ. 

Энэ сарын 21-ний өдөр тэрээр мөн SNS-ээр дамжуулан хүлцэл өчин "Би Хын Минтэй биечлэн уулзаж, чин сэтгэлээсээ уучлалт гуйх нь чухал гэж бодсон. Бид удаан ярилцсаны эцэст тухайн өдөр багийн ахлагчийн хувьд ямар их ачаалалтай болохыг, мөн өөрийнхөө тухай эргэцүүлэн болох цаг хугацаа олголоо. Тэр намайг дуртайяа хүлээн авч, Лондонд хүлээн авсан. Энэхүү бичвэрээрээ дамжуулан Хын Мин ахад талархаж байгаагаа дахин илэрхийлье. Би Хын Мин ахыг тэмцээний төлөө ямар их цөхрөнгөө барж байгааг дотроо мэдэж байсан ч түүний чин сэтгэлийг бүрэн ухаарч чадаагүйгээс бүх асуудал эхэлсэн гэж бодож байна. Багийн гишүүний хувьд, эв нэгдлийн хувьд надад өгсөн зөвлөгөөг нь сонсолгүй, зөвхөн өөрийн бодолдоо л төвлөрсөн нь буруу байсан" гэжээ.