“AAA” төслийн хүрээнд гарах дуу Хятадын зах зээлд цацагдахад бэлэн болжээ

Уран бүтээлийн нэрээ Аялагч хэмээн нэрийдсэн хөгжмийн зохиолч продюсер Х.Анхбаярын хэрэгжүүлж буй “AAA” төслийн эхний прожект “A” амжилттай хэрэгжжээ. 

“A” прожект хэмээн нэрлэгдсэн энэхүү төслийн хүрээнд Монгол Хятад улсын уран бүтээлчдийн хамтарсан эхний дуу Хятадын зах зээлд цацагдахад бэлэн болжээ. 

Энэхүү “AAA” хэмээх төслийн хүрээнд:

• Хятад болон Монгол улсын уран бүтээлчдийн хамтарсан шинэ дуу хөгжим, аялан тоглолт, цомог гаргах
• 21 аймаг тус бүрт зориулсан 9 төрлийн хөгжим. Нийт 189 хөгжмийн бүтээл гаргах
• Үндэсний хөгжмийн бүрэлдэхүүн болон симфони оркестр, үгэн урлаг, гадны улс орнуудын хөгжимчид хамтарсан пянзаа гаргах зэрэг ажлуудыг хийж хэрэгжүүлэхээр төлөвлөжээ. 

Х.Анхбаярын хувьд хөгжмийн зохиолч, дууны найруулагч, продюсераар ажиллаж байсан туршлагатай нэгэн. Хятад, Орос, Америк, Өвөр Монгол, Франц, Швед зэрэг улсын уран бүтээлчидтэй дуу, хөгжим, кино, жүжиг зэрэг уран бүтээлүүд дээр хамтран ажилладаг тэрээр “AAA” төслөө ийнхүү амжилттай хэрэгжүүлж эхлээд байна.