Жүжигчин Ма Дун Сог ирэх тавдугаар сард ХУРИМЛАНА гэв

Өмнөд Солонгосын алдарт жүжигчин Ма Дун Сог өөрөөсөө 17 насаар дүү найз бүсгүйтэйгээ хуримаа хийхээр болсон тухайгаа өнөөдөр буюу 4 дүгээр сарын 8-ны өдөр олон нийтэд зарлалаа. 

Хосуудын хурим ирэх тавдугаар сард болно. Хуримын ёслолоо гэр бүл, найз нөхдийн хүрээнд цомхон тэмдэглэн өнгөрүүлэхээр болсон тухай эх сурвалжууд мэдээлсэн байна. 

Жүжигчин Ма Дун Сог 2016 онд Е Жон Хва хэмээх бүсгүйтэй болзож байгаа болохоо олон нийтэд мэдэгдсэн. Е Жон Хва нь загвар өмсөгч, инфлүенсэр чиглэлээр ажилладаг бөгөөд хосууд 2021 онд гэрлэлтээ бүртгүүлсэн ч цар тахлын улмаас ийнхүү хуримын ёслолоо хойшлуулжээ.