П.Орхон, Л.Лхагвагэрэл, Б.Бат-Эрдэнэ нар ОЛИМПЫН ЭРХЭЭ авлаа

Б.Гантуяа | Zindaa.mn
2024 оны 04 сарын 21

“Парис 2024” чөлөөт бөхийн Олимпын эрх олгох Азийн бүсийн тэмцээн Киргиз улсын нийслэл Бишкек хотноо боллоо. Тэмцээнд манай улсын эрэгтэй 6, эмэгтэй 4 тамирчин ур чадвараа сорьсноос П.Орхон, М.Лхагвагэрэл, Б.Бат-Эрдэнэ нар Олимпын эрхээ хүртлээ.

Өнгөрсөн жилийн Дэлхийн аварга шалгаруулах тэмцээнээс Д.Отгонжаргал, Э.Дэлгэрмаа нар мөнгөн медаль авснаар Олимпын эрхээ аваад байсан билээ. Ингэснээр Парисын Олимпын чөлөөт бөхийн төрөлд Монголын 5 тамирчны эрх баталгаажив. Манай чөлөөт бөхийн баг тамирчид ирэх 5 дугаар сард Туркийн нийслэл Станбул хотноо Олимпын эрхээ хүртэх хамгийн сүүлчийн тэмцээндээ ур чадвараа сорих болно. Дашрамд дурдахад, Монголын баг тамирчид одоогоор 6 спортын төрөлд Олимпын 13 эрх хүртээд байна.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Бодит байдал (66.181.182.72)  2024 оны 04 сарын 21

Баяр хүргьэ.Олимпид зоримог ,ухаалаг барилдаарай

1  |  0
Зочин (66.181.179.167)  2024 оны 04 сарын 21

Эрхээ аваад олимпод очоод юм болгох магадлал нь маш бага л даа, төсвийн мөнгөөр тоглосон явдал л болно, ядаж байхад дотроо хэрүүлтэй эрхээ авна гэдэг нь хэрүүлийн нэг том шалтгаан нэмэгдлээ л гэсэн үг

0  |  2
Top