“Их Богд” дэвжээ, Улсын харцага Д.Батболдын нэрэмжит барилдаан болно

“Их Богд” дэвжээ үүсэн байгуулагдсаны 20 жилийн ой, Баянхонгор аймгийн Баянбулаг сумын харьяат, Монгол Улсын харцага Даш-Очирын Батболдын нэрэмжит улс, аймаг, сумын цолтой хүчит 128 бөхийн барилдаан тавдугаар сарын 5-нд “Монгол бөхийн өргөө”-нд болно.

Барилдааныг Монголын үндэсний бөхийн холбоо, “Их Богд” дэвжээ хамтран зохион байгуулна.

Баянхонгор аймгийн бөхчүүдийн нэгдсэн бэлтгэл сургуулилт, сахилга, хариуцлага, залуу бөхчүүдийг дэмжих, нутгийн бөхийн хөгжлийг дэмжих зорилгоор байгуулагдсан “Их Богд” дэвжээний бэлтгэл, сургуулилтыг Улсын харцага Д.Батболд олон жил удирдан зохион байгуулж, өдгөө үндэсний бөхийн шилдэг дэвжээдийн нэг болж, 20 жилийн түүх бүтээжээ.

Хонгор нутгийн хүчтэнүүдийг нэгтгэсэн “Их Богд” дэвжээ болон Улсын харцага Д.Батболдын нэрэмжит барилдаан тавдугаар сарын 5-нд 13:00 цагаас болох тул бөхчүүд, бөх сонирхогчид та бүхнийг урьж байна.