Дэлхийн хэмжээний охидын хамтлаг шалгаруулах уралдааны ФИНАЛЫН шатны шалгаруулалт зарлагдлаа

Дэлхийн 32 оронд зохион байгуулагдаж буй “Click The Star” төсөл Монголд хэрэгжиж байгаа билээ. БНСУ-ын “World K-pop Center”-ээс зохион байгуулж буй “Click The Star” төсөл нь дэлхийн 32 оронд хэрэгжиж буй бөгөөд “Bling One” нэртэй 7 гишүүний бүрэлдэхүүнтэй охидын хамтлагт багтах авьяаслаг нэгнийг олох зорилготой уралдаан юм. 

Энэхүү уралдааны сонгон шалгаруулалт өнгөрөгч 3 дугаар сард эхэлж, зуун зуун авьяаслаг охид өрсөлдөн энэ сарын 19-ны өдөр шилдгүүдээ шалгаруулах гэж байна. 

Одоогийн байдлаар тэмцээний хоёрдугаар шатны санал асуулга онлайн байдлаар явагдаж буй. Хоёрдугаар шатанд шалгарч үлдсэн оролцогчдод vote.clickthestar.com  сайтаар нэвтэрч санал өгөх боломжтой ажээ. 

Америк, Франц, Герман, Бразил, Испани, Япон, Хятад, Энэтхэг, Вьетнам, Малайз, Монгол зэрэг улсуудад хэрэгжүүлж буй дэлхийн хэмжээний энэхүү төслийг БНСУ-ын "World K-pop Center" болон "Asian Idol Academy Mongolia", "Нийслэлийн Соёл, Урлагийн Газар" хамтран зохион байгуулж буй. 

"World K-Pop Center" байгууллага нь БНСУ-ын Соёл, аялал жуулчлалын яам, түүний харьяа байгууллага болон Солонгосын бүтээлч контент агентлаг, к-поп сурталчилгааны агентлаг гэх мэт төрийн болон бүтээлч контент үйлдвэрлэгч агентлаг байгууллагуудтай хамтран к-поп соёлыг дэлхий дахинаа түгээж байна. "World K-Рop" center нь К-ПОП соёлыг түгээн дэлгэрүүлэхэд томоохон хувь нэмэр оруулж буй Өмнөд Солонгосын Сөүл хотын Намсан тауэрт байрлах Солонгосын анхны бөгөөд хамгийн том к-поп мэргэжлийн байгууллага юм.

Сонгон шалгаруулалт: 

Анхан шатны сонгон шалгаруулалт онлайнаар явагдаж шаардлага хангасан видео бичлэгийг World K-Pop Center хүлээн авч, шилдэг 40 оролцогч шалгаруусан. Эдгээр 40 оролцогч ганцаарчилсан үзүүлбэр үзүүлэх ба үүнээс шилдэг 10 оролцогч финалын шатанд шалгарч, БНСУ-ыг зорин дараах боломжуудын эзэн болно.  

• “World K-pop center”-ийн мэргэжлийн цогц сургалтад 3 сар суралцах
• Солонгосын соёлтой танилцах Сөүлийн аялалд  хамрагдах
• Сургалтын явцад 3 оролцогч хасагдаж, “Bling Оne” хамтлагийн 7 үндсэн гишүүн шалгарснаар анхны уран бүтээлээ олон нийтэд хүргэх буюу дебют хийнэ
• “K-pop click” платформоор дамжуулан хөгжмийн нэвтрүүлэг, реалити шоу зэрэг К-Поп контентод тогтмол оролцоно
• Энэ хүрээнд гарах бүх зардлыг Солонгосын “World K-pop center” хариуцна. / Сургалт, байр, хоол, унаа, даатгал,  онгоцны 2 талын тасалбар гэх мэт/

Шүүгчдийн бүрэлдэхүүн: 

1. Монгол улсын төрийн  соёрхолт, МУГЖ Д.Отгонбаяр
2. БНСУ-ын дуучин жүжигчин АН ЖАЕ МУ
3. World K-Pop Center  байгууллагын захирал Пак Сон Жи
4. БНСУ-ын Miss Korea Ким Су Ёон
5. Монголын мисс 2012, Asian Idol Academy& WKC  Mongolia-ийн захирал А.Уянга

Шилдэг оролцогчдын тоглолт 5 дугаар сарын 19-ны өдрийн 09:00 цагт Улсын хүүхэд залуучуудын Театрт зохион байгуулагдана. 

Тасалбарыг: 90691134 дугаарт холбогдон авах боломжтой.