Зам тээврийн ослын улмаас таван хүн гэмтэж, эмнэлэгт хүргэгджээ

Улаанбаатар хот, Баянзүрх дүүрэг 23 дугаар хорооны Улиастайн гүүрний баруун талд 2 автомашин мөргөлдөж, таван хүн гэмтсэн осол өнөөдөр /2024.05.27/  06.12 цагт гарчээ.

Ослын дуудлагаар нийслэлийн Аврах ангийн алба хаагчид  иргэн Б /41 настай, эрэгтэй/, иргэн А /18 настай, эрэгтэй/ нар төмөр хийцэд хавчуулагдсан байсныг 15 минут ажиллаж гаргасан.

Мөн иргэн Э /62 настай, эрэгтэй/, Н /33 настай, эрэгтэй/, Ц /35 настай, эрэгтэй, ухаангүй/ нарт эмнэлгийн анхан шатны тусламж үзүүлэн өвчин намдаах булчин тариа хийж, ГССҮТ-д тээвэрлэн хүлээлгэн өгч, ослын газрыг тус дүүргийн цагдаагийн хэлтсийн зохицуулагчид хүлээлгэн өглөө гэж Онцгой байдлын ерөнхий газраас мэдээллээ.