СЭРЭМЖЛҮҮЛЭГ: Өчигдрийн байдлаар усны ослоор нийт 68 иргэн амиа алджээ
Урин дулаан цагт буюу зуны улиралд усанд живж нас барах тохиолдлын тоо нэмэгддэг байна. Өчигдөр ОБЕГ-аас сэрэмжлүүлэг мэдээлэл хүргэж, усны ослоор нас барсан тохиолдол өмнөх оноос 3,9 хувиар нэмэгдсэн байна гэсэн статистикийг өгчээ. Тухайлбал, энэ сарын 19 буюу өчигдрийн байдлаар нийт 68 иргэн усны ослоор амиа алдсан байна. Үүний дотор бага насны хүүхэд болон архи дарс ууж гол руу орж амиа алдсан хүмүүс ч байна. Мөн сэлж чадна хэмээн нууранд ороод хөл алдаж амиа алдсан ч хэд хэдэн тохиолдол бүртгэгджээ. Түүнчлэн Баян-Өлгий аймагт аялж зугаалж яваад гэр бүлийн 5 хүн амиа алдсан харамсалтай хэрэг ч бүртгэгдээд байгаа юм.
Тиймээс ОБЕГ-аас завьт эргүүлийг байнга хийж байгаа. Мөн голын захад амарч байгаа аялагчдад зөвөлгөө мэдээлэл сэрэмжлүүлэгийг байнга өгч ажиллаж байна. Гэсэн хэдий ч усны ослын тоо баримт тохиолдол буурахгүй байгаа талаар албаныхан хэллээ. Хүн бүр хариуцлагатай байх ёстой. Бага насны хүүхэддээ тавих хараа хяналтаа сайжруулах, архи дарс уусан үедээ гол нуур руу орохгүй байхыг зөвлөе.
Холбоотой мэдээ
Сэтгэгдэл ( 3 )
Хүнийг хүн биш болгодог архи гээч хорыг зарж ашиг олсных нь төлөө архи үйлдвэрлэшч, худалдаалагч нараас маш өндөр татвар авч, архичингаас болж хохирохоос сэргийлэх, хохирлыг арилгахад зарцуулах хэрэгтэй!!!
Усанд сэлж чадахгүй байж нэг их сэлдэг хүн шиг харагдах гэж оролддог тэнэг тонголчууд бөөн бөөнөөрөө үхэцгээж байна даа усан дотор
хятадууд биш архи монголчуудыг сүйрүүллээ , архинаас болж усанд живнэ, галд шатана , угаартаж үхнэ, барилга дээрээс унана, автын осолд орно, хүн дайрч ална , бие биенээ зодож ална, хутгалж ална, буудна, мориноос унана, архиндаа хордож үхнэ гэх мэт тоолж барахгуй\n\nХариулт бичих