Хүй долоон худагт Залуучуудын соёлын наадам болно

Хүй долоон худагт маргааш “Залуучуудын соёлын наадам болно.

Энэхүү наадмыг Нийслэлийн Засаг даргын тамгын газар, Нийслэлийн соёл, Урлагийн газар, Сонгинохайрхан дүүргийн залуучуудын хөгжлийн зөвлөл хамтран зохион байгуулж байгаа бөгөөд наадмын үеэр эрийн гурван наадам болох үндэсний бөхийн барилдаан, сурын харваа, шагайн харваа тэмцээнүүд зохион байгуулагдахаас гадна монгол үндэсний аман болон хуруун наадгай болох “дэмбээ”-дэх тэмцээнийг зохион байгуулж, аваргаа шалгаруулна.

Дашрамд дуулгахад, “Залуучуудын соёлын наадам” “Хүй долоон худаг”-ийн Бамбарцаг театрын зэргэлдээ болох тул залуус та бүхэн өргөнөөр оролцохыг урьж байна.

Наадам хоёр өдөр үргэлжилнэ.