Алдарт Пласидо Доминго Монголын театрт гайхамшиг түгээлээ

Дэлхийн сонгодог урлагийн домог, алдарт Пласидо Доминго тэргүүтэй дэлхийн шилдгүүд Монголд хүрэлцэн ирж, УДБЭТ-ын тайзнаа тоглолоо.

АПУ компани 100 жилийн ойн баяртаа зориулж дэлхийн сонгодог урлагийн оддын “Сentennial Celebration” тоглолтыг монголдоо зохион байгууллаа. 

“Сentennial Celebration” тоглолтод дэлхийн “Алдарт гурван тенор“-ийн нэг, дуурийн дуучин, удирдаач, тенор, баритон, 150 гаруй дүр бүтээсэн эклектик уран бүтээлч, Грэммийн 12 шагналын эзэн Пласидо Доминго, энэ цаг үеийн алдарт баритон, дэлхийн бүхий л гол тайзнаа гайхамшигт хоолойгоороо эх орныхоо нэр хүндийг өндөрт өргөж яваа Монгол Улсын Ардын жүжигчин Э.Амартүвшин, олон улсад нэр хүнд нь тасралтгүй өсөж буй гайхалтай сопрано Нина Минасян, орчин цаг үеийн хамгийн агуу тенор дуучдын нэг алдарт Ла Скала театрын дуучин Фабио Сартори, дэлхийд тэргүүлэх залуу удирдаачдын нэг Гаэтано Ло Коко нар оролцож, УДБЭТ-ын Симфони оркестрын хамтаар сонгодог урлагийн түүхэнд дурсагдах гайхамшигтай тоглолтыг Монголын үзэгчдэд толиуллаа.