УИХ-ын гишүүн Ц.Мөнхбатыг хууль бусаар газар олгосон хэргээр шалгаж байна

Б.Гантуяа | Zindaa.mn
2024 оны 09 сарын 09

УИХ-ын гишүүн Дундговь аймгийн Засаг дарга асан Ц.Мөнхбатыг хууль бусаар газар олгосон хэргээр Авлигатай тэмцэх газраас шалгаж байна.

Түүнийг Дундговь аймгийн Засаг даргаар ажиллаж байхдаа албан тушаалаа урвуулан ашиглаж, “Супрема бүтик лоджес” ХХК-д 2000 ам метр газар олгосон гэх хэрэгт холбогдуулжээ.

Тодруулбал, тэрбээр 2021 оны дөрөвдүгээр сарын 5-нд захирамж гаргаж, Сайнцагаан сумын долдугаар багийн нутаг, тус аймаг дахь Цагдаагийн газрын дэргэд дээрх аж ахуйн нэгжид худалдаа, нийтийн үйлчилгээний газар, төв цогцолборын зориулалтаар 15 жилийн хугацаатай газрын зөвшөөрөл олгосон байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
ИРГЭН  (139.5.216.131)  2024 оны 09 сарын 09

гишүүн болонгуутаа шалгуулах нь ёстой ямар ч хулгайч гишүүн болдог тогтолцоотой буюу хичнээн их гэмт хэрэг хийнэ тэчнээн ногоон гэрлээр гишүүн болно гэдгийг нотлоод байна.

0  |  0
Top