Б.Нарантуяа "Дэлхийн цом"-оос хүрэл медаль хүртлээ
Монгол Улсын нийслэл Улаанбаатар хотод снукер билярдын 15 улааны "Дэлхийн цом"-ын анхдугаар тэмцээн есдүгээр сарын 14-19-ний өдрүүдэд болсон бол зургаан улааны Дэлхийн аварга шалгаруулах тэмцээн есдүгээр сарын 21-25-ны өдрүүдэд болно.
"Дэлхийн цом"-ын тэмцээнд 20 орны нийт 76 тамирчин өрсөлдсөн бол Монгол Улсаас дээрх тэмцээнд дасгалжуулагч Д.Амаржаргал, Б.Шинэбаяр нарын удирдалага дор 16 тамирчин өрсөлдлөө.
Энэ тэмцээний эмэгтэйчүүдийн хагас шигшээ шатанд Монголын тамирчин Б.Нарантуяа Хонгконгийн тамирчин, снукер бильярдын дэлхийн зургаан удаагийн аварга, Ази тивийн аварга, Азийн наадмын хүрэл медальт Нг Он-Итэй өрсөлдөж, ялагдсанаар хүрэл медаль дээр буулаа. Б.Нарантуяа нь Дэлхийн аваргын хүрэл медалиас гадна снукер бильярдын 2023 оны ДАШТ-ий хүрэл, 2022 оны Азийн АШТ-ээс хүрэл медаль хүртэж байсан. Тэрбээр есдүгээр сарын 21-25-нд болох ДАШТ-д өрсөлдөх юм.
Like
Comment
Share
Холбоотой мэдээ
Сэтгэгдэл ( 0 )