Жастин Биберийн ойр дотнынхон түүний тухай юу хэлэв?

Дуучин Жастин Бибер реппэр Шон Дидди Комбсын гэмт хэрэгт нэр холбогдоод буй нь түүний сэтгэцийн эрүүл мэндэд хүндээр нөлөөлж байгаа тухай түүний ойрын эх сурвалжууд дурджээ. 

Us Weekly Wednesday сэтгүүлд нэгэн эх сурвалж "Жастин яг одоо сэтгэл санааны хувьд хүнд нөхцөл байдалд байгаа. Тэр Диддитэй нэр холбогдсон бөгөөд энэ хэргийг шийдвэрлэхэд хүнд байгаа. Энэ хэрэгтэй холбоотой бүхий л зүйлс түүний дургүйг үнэхээр их хүргэж байгаа учраас тэр энэ бүх зүйлээс аль болох хол байхыг хичээж байгаа" гэжээ. 

Мөн өөр нэгэн эх сурвалж түүний тухай "Жастин саяхан төрсөн хүүгээ эхнэрийнхээ хамт асрах зэргээр амьдралын эерэг зүйлсэд илүү төвлөрч байгаа. Аав байхын аз жаргалыг мэдрэх Диддигийн хэргийн талаарх санаа зовинолоос нь салгаж байгаа" хэмээсэн байна. 

Гурав дахь эх сурвалж "Энэ бүхэн түүний өнгөрсөнд болсон зүйлс учраас тэр энэ бүхнийг одоо орхихыг хүсэж байгаа" гэв. 

Өнгөрсөн долоо хоногт нэгэн эх сурвалж "The Post" сонинд нэрээ нууцлан "Түүний бичлэг цацагдах магадлал өндөр байгаа нь түүнд маш аймшигтай санагдаж байгаа. Энэ бүх зүйлс яг л урвалт шиг санагдаж, үүнийг дагасан олон асуудал үүсгэж байгаа. Түүний сэтгэлийг түгшээсэн олон муу дурсамжийг ч мөн сэдрээсэн. Тэр олон жилийн өмнө хохирогч болж байсан мэт мэдрэмж авч, одоо дахин энэ хэргийн золиос болж байна. Хэрэв тэр бичлэг гарч ирвэл энэ бүхэн түүнийг насан туршид нь дагах болно. Энэ бүхэн интернэтэд үүрд үлдэх болно" гэжээ.