НИТХ-ын 45 мандатын төлөөх сонгуулийн 40-д нь МАН, тавд нь АН яллаа

Аймаг, нийслэл, сум, дүүргийн Иргэдийн төлөөлөгчийн хурал (ИТХ)-ын сонгуулийн санал хураалтын урьдчилсан дүн гарлаа.

Нийслэлийн сонгуулийн хорооны мэдээлснээр нийслэлийн ИТХ-ын 45 мандатын 40-ыг МАН, тавыг нь АН авсан бол ХҮН намаас нэг ч нэр дэвшигч ялалт байгуулсангүй.

Түүнчлэн орон нутгийн сонгуулийн урьдчилсан дүнгээр нийт 21 аймгийн 14-т нь МАН-аас нэр дэвшигчид ялалт байгуулсан гэх урьдчилсан мэдээлэл гараад байна. 
 

Нийслэлийн МАН-аас сонгуулийн үр дүнтэй холбоотой мэдээлэл хийхдээ "МАН Архангай, Баянхонгор, Өвөрхангай, Завхан, Увс, Булган, Хөвсгөл, Орхон, Дархан-Уул, Сэлэнгэ, Дорнод, Говьсүмбэр, Дорноговь, Дундговь аймгуудад ялалт байгуулж, олонхын суудлыг аваад байна. Зарим аймгийн дүн, мэдээлэл нэгтгэгдэж дуусаагүй байна. Мөн нийслэлийн есөн дүүргээс найман дүүрэгт МАН ялж, нийслэлийн Иргэдийн төлөөлөгчдийн хурлын 45 мандатаас 40 суудлыг авлаа. Нийслэлийн МАН-аас энэ удаагийн сонгуульд есөн эмэгтэйг нэр дэвшүүлснээс бүгд ялалт байгууллаа. 2024-2028 онд нийслэлийн МАН-аас дэвшүүлсэн мөрийн хөтөлбөрийг бид хэрэгжүүлж нийслэл хотынхоо тулгамдсан олон асуудлуудыг шийдэн их бүтээн байгуулалт, хөгжлийн тэсрэлтийг хийх болно. Бидэнд итгэл үзүүлсэн сонгогчдодоо талархлаа. Мөн бидэнд санал өгөөгүй ч нийслэл хотынхоо төлөө санаа зовниж байгаа нийт сонгогчдынхоо итгэлийг олж авахын төлөө хичээн зүтгэж ажиллах болно" гэв. 
 

Харин Ардчилсан намаас орон нутгийн сонгуулийн дүнтэй холбоотой асуудлаар мэдээлэл хийх үеэр АН-ын Ерөнхий нарийн бичгийн даргын үүргийг түр орлож буй Н.Ганибал “Энэ удаагийн сонгуульд Ардчилсан Нам амжилттай оролцлоо. 2020 оны орон нутгийн сонгуульд гаргасан амжилт маань давсан учраас тодорхой хэмжээний амжилт байна гэж үзэж байна. 21 аймгийн 8-д нь ялж байна. 3 аймагт маргаантай байна. Нийслэлд нэг дүүрэгт ялсан. Мөн нэг дүүрэгт нэг саналын зөрүүтэй ялагдсан. Ерөнхийдөө нийслэлд ялагдал хүлээлээ. Бидний хувьд гурван аймаг дээр гар тооллого явуулж, маргааныг эцэслэн шийдвэрлэх хүртэл хүлээж байна. Нийт 330 сумаас АН одоогийн байдлаар 150 суманд ялалт байгуулаад байна. Энэ удаагийн сонгуульд ажиглагдаж байгаа нэг зүйл нь маш цөөхөн саналын тоогоор ялагдаж байна. Жишээ нь, дөрвөн аймагт нэгийн зөрүүтэй саналаар ялагдсан. Энэ нь Монголын ард түмний тэн хагас нь АН-ыг дэмжиж байгааг харуулж байна.Намын дүрмээр орон нутгийн сонгуульд тухайн дунд шатны байгууллагууд хариуцлага хүлээдэг. Эцсийн дүн гарсны дараа тодорхой асуудал яригдана” гэж байр сууриа илэрхийллээ. 
 

НИЙСЛЭЛИЙН САНАЛ ХУРААЛТЫН УРЬДЧИЛСАН ДҮН
 

Баянгол дүүрэг (1-р тойрог)

• Ө.Сумъяабаатар (МАН) 
• Ж.Батбаясгалан (МАН)
• Б.Сэмжидмаа (МАН)
• Д.Ихбаяр (МАН) 
• Ч.Мэндбаяр (МАН) 
• Э.Энхтөр (МАН) 

Баянзүрх дүүрэг (2-р тойрог)

• Г. Ууганбаяр (МАН) 
• Ч.Батзориг (МАН) 
• Т.Батцогт (АН)

Баянзүрх дүүрэг (3-р тойрог)

• А.Баяр – (МАН) 
• Б.Мөнхбаатар – (МАН) 
• Э.Одонтуяа – (МАН) 

Баянзүрх дүүрэг (4-р тойрог)

• Г.Жаргалсайхан (МАН)
• Ү.Оюунзул – (МАН)
• Т.Даваадалай (МАН) 
• Д.Жавхлан (МАН) 

Сонгинохайрхан дүүрэг (5-р тойрог)

• Ц.Төрхүү (МАН) 
• Г.Батзориг (МАН)
• Ц.Баттөр (МАН)
• Э.Хулан (МАН) 
• Б.Сэргэлэнбаатар (МАН) 

Сонгинохайрхан дүүрэг (6-р тойрог)

• Х.Нямбаатар (МАН)
• Д.Ундармаа (МАН)
• Ж.Сандагсүрэн (МАН)
• Б.Хуягбаатар (МАН) 
• Г.Батбаяр (МАН) 

Сүхбаатар дүүрэг (7-р тойрог)

• Д.Бадарсан (АН) 
• Б.Ану-Үжин (МАН) 
• Б.Дөлгөөн (МАН) 
• Б.Эрдэнэсүх (АН)

Хан-Уул дүүрэг (8-р тойрог)

• А.Амартүвшин (МАН)
• Ж.Энхжаргалан (МАН) 
• Л.Хосбаяр  (МАН) 
• Г.Батсайхан (МАН)
• О.Зундуйдорж (АН)
• Б.Мягмар (МАН) 

Чингэлтэй дүүрэг (9-р тойрог)

• Н.Мандуул (МАН)
• Б.Мөнхбат (МАН)
• Л.Ариунтуяа (МАН) л
• З.Төмөртөмөө (МАН) 

Багануур дүүргийн (10 дугаар тойрог)

• С.Даваасүрэн (МАН)
• Т.Отгонболд (МАН) 

Баганхангай дүүрэг (11-р тойрог)

• Б.Золтуяа (АН)

Налайх дүүрэг (12-р тойрог)

• Д.Наянбаяр (МАН)
• Д.Отгонсүрэн (МАН)