Амьдралд хайртай хүн бүрд дуулан хүргээрэй - "Хүмүүс минь, амьдрах сайхан"

Хүмүүн, байгаль хоёр ижилсээд
Хорвоогийн амьдрал жигдрээд ирлээ
Ижилсээд алхаарай хүн ард минь
Энэ л хорвоодоо хамтдаа байя даа...

Монгол Улсын Соёлын гавьяат зүтгэлтэн Б.Дашзэвэгийн шүлэг, Монгол Улсын Гавьяат жүжигчин Н.Чулуунхүүгийн аялгуу "Хүмүүс минь, амьдрах сайхан" дууг дуучин Г.Дэлгэрболд, Г.Басхүү нар Н.Чулуунхүү агсны гэр бүлийн албан ёсны зөвшөөрөлтэйгөөр дуулж, олон нийтэд дүрсжүүлэн хүргэсэн нь үзэгчдийн таашаалд нийцсэн хувилбарын нэг болжээ.

Клипийг ЭНД ДАРЖ үзэх боломжтой. 

“Амьдралд хайртай хүн бүхэнд дуулан хүргэж, амьдралд хайртай хүн бүхнийг дуулуулж яваарай” хэмээн захиж үлдээсэн Монголын ард түмний хайртай бүтээлийг өөрсдийн уран бүтээлийн сандаа нэмсэн дуучин Г.Дэлгэрболд, Г.Басхүү нарын хамтарсан “Андууд” уран бүтээлийн тайлан тоглолт арваннэгдүгээр сарын 7-нд “Улаанбаатар Палас”-ын Концертын их танхимд тоглогдоход бэлэн болоод байгаа аж.

Монголын нийтийн дууны урлагт уянгалаг, цээл хоолойгоороо хүч түрэн орж ирж буй залуу уран бүтээлчдийн анхны тоглолт үзэгчдийн хувьд өндөр хүлээлттэй үзвэрээр нэрлэгдсээр байна.