“SENSEI CUP-2024” тэмцээнд 220 жудоч өрсөлдөж байна
Дэлхийн жүдо бөхийн өдрийг жил бүрийн аравдугаар сарын 28-ны өдөр тэмдэглэн өнгөрүүлдэг билээ. Тэгвэл Монголын жүдо бөхийн холбооноос энэхүү баярын өдрийг тохиолдуулан Монгол Улсын гавьяат дасгалжуулагч Ч.Машбатын нэрэмжит жүдо бөхийн дотоодын чансаа тогтоох “Sensei cup-2024” тэмцээнийг Спортын төв ордны жүдо бөхийн зааланд зохион байгуулж байна. Нэрэмжит тэмцээний эзэн Ч.Машбат нь Монгол улсад самбо, жүдо бөхийн спортыг дэлгэрүүлэх үйлсэд үнэлж баршгүй хувь нэмэр оруулсан нэгэн.
Энэ жилийн тэмцээнд 46 багийн нийт 220 (эрэгтэй 132, эмэгтэй 88) тамирчин өрсөлдөж байгаа бөгөөд жин жинд шалгарсан зургаан тамирчин ирэх сард болох “Топ-6” тэмцээнд оролцох эрх авах юм. Өнөө жилийн тэмцээнд оролцогчдоос онцолбол, 48 кг-ын жинд “Рио-2016” олимпын наадмын хүрэл медальт Г.Отгонцэцэг, ДАШТ-ий хошой хүрэл медальт, гавьяат тамирчин Ё.Басхүү, Л.Энхрийлэн, өсвөрийн ДАШТ-ий мөнгөн медальт Т.Отгонжаргал нарын шилдгүүд байна.
Г.Отгонцэцэг нь “Токио-2020” олимпын наадмаас хойш гурван жилийн дараа дэвжээнд гарч байгаа нь энэ юм. “Sensei cup” цуврал тэмцээн 2020 оноос анхлан зохион байгуулагдаж ирсэн бөгөөд “Парис-2024” олимпын наадмын дараах сорил болохыг онцолж байна.
Холбоотой мэдээ
Сэтгэгдэл ( 2 )
Бас жүдочдын өдөртэй, бөхчингүүд өөрсдийгөө өргөмжлөх гэж ядчих юм аа, яг үнэндээ ямар ч төрлийн бөх дэлхийд топ спортод орохгүй ш дээ, Монголд л гэхээс дэлхий бол бөх гээч юмыг бараг мэдэхгүй ш дээ
Жүдогийн өдөр гэнэ үү, сүржигнэх гэж ядчих юм аа, дэлхийд хэдэн тэрбум хүн үзэж, хэдэн тэрбум доллар эргэлддэг хөлбөмбөг, сагсан бөмбөг гэсэн аваргууд хөлбөмбөгийн өдөр, сагсан бөмбөгийн өдөр гээгүй байхад, бараг хүн мэддэггүй жүдо мэт нь уг нь яршиг л баймаар юм