“Болор цом-42” наадам арваннэгдүгээр сарын 26-нд болно

Монголын Зохиолчдын эвлэлээс жил бүр зохион байгуулдаг Оны шилдэг шүлэг шалгаруулах “Болор цом-42” яруу найргийн наадам 2024 оны арваннэгдүгээр сарын 26-нд Улаанбаатар хотноо болох тов гарчээ.

Энэхүү наадамд найраг шүлгээ сойх, оролцох хүсэлтэй хэн бүхэн 2024 онд бичсэн, чөлөөт сэдэвтэй хоёр шүлгээ 2024 оны арваннэгдүгээр сарын 20-ны 20:00 цагаас өмнө Монголын зохиолчдын эвлэлийн цахим шуудангийн mze.khoroo@gmail.com хаягаар илгээх буюу Монголын Зохиолчдын ордонд хүргүүлэх юм байна. 

“Болор цом 42” наадамд сойх бүтээл урьд өмнө ном, хэвлэл, цахим орчинд нийтлэгдээгүй байх шаардлагатай. 

“Болор цом-42” яруу найргийн наадмын эхний шатны дүнг 2024 оны арваннэгдүгээр сарын 22-нд зарлах бол цомын эзнийг тодруулах сүүлийн шатны шалгаруулалт 2024 оны арваннэгдүгээр сарын 26-нд Соёлын төв өргөөнд болох ажээ.