"Гэрэл түгээе" уриатай Волейболын үндэсний ДЭЭД ЛИГ эхэллээ

Админ | Zindaa.mn

2 цагийн өмнө

Монголын Волейболын холбооноос жил бүр зохион байгуулдаг 2024-2025 оны Үндэсний дээд лиг 2024.11.03-нд AIC STEPPE ARENA-д нээлтээ хийлээ.

Шинэ улирлын дээд лиг эрэгтэй 9, эмэгтэй 7 багтайгаар эхэлж, энэ жилийн лиг ч их сонирхолтой болох нь тодорхой болж, тоглолтууд эхнээсээ гал гарсан ширүүн өрсөлдөөнийг үзүүлж байна.

Арваннэгдүгээр сарын 01, 02, 03-нд гурван өдөр үргэлжилсэн нээлтийн тоглолтууд гайхалтай болж өндөрлөлөө.

Энэ жилийн лигт ирсэн легонируудын ур чадвар бол биширмээр байсан ба "Natur Bucks" багийн Ботсвани легонир Igobe-г үзэгчид онцолж байлаа.

"Enacoree" багийн легионер тамирчин Lee Jin 23 настай холбогч Волейболын "Kovo League" буюу дээд лигийн 3 удаагийн аварга "IBK ALTOS" багт тоглож байсан тамирчин Монголын волейболын Үндэсний дээд лигийн 3 удаагийн аварга, хошой хүрэл медальт "Enacoree" багаас тоглохоор болсон нь анхаарлын төвд байна.

Дээд лигийн нэгдүгээр тойргийн тоглолтууд арваннэгдүгээр сарын 23-ныг хүртэл "AIC Steppe Arena"-д үргэлжилж, хоёрдугаар тойргийн тоглолтууд арванхоёрдугаар сараас орон нутагт аялан тоглолт хэлбэрээр болно.

Харин 2025 оны нэгдүгээр сараас Дээд лигийн финалын тоглолтууд зөвхөн "AIC STEPPE ARENA"-д үргэлжилнэ.