Жүжигчин Сун Жэ Рим гэртээ нас барсан байдалтай олджээ

Жүжигчин Сун Жэ Рим 39 насандаа таалал төгсжээ.

Цагдаагийн байгууллагын мэдээлж буйгаар тэрээр Сөүл хотын Сондун дахь орон сууцнаасаа нас барсан байдалтай олдсон бөгөөд үхлийн нарийн шалтгааныг тогтоогоогүй ч амиа егүүтгэсэн байж болзошгүй хэмээн таамаглаж байна. Албаныхан түүний гэрээс хоёр хуудас гэрээслэл, никотины агууламж бүхий бэлдмэл олсон нь ийнхүү таамаг дэвшүүлэхэд хүргэжээ. 

Түүний оршуулах ёслол энэ сарын 14-ны өдрийн 12 цагаас Ёуидо дахь оршуулах ёслолын газар болно. 

2009 онд жүжигчнээр дебютээ хийсэн түүнд салбарын уран бүтээлчид нь хүндэтгэл үзүүлэн, эмгэнэл илэрхийлсээр байна.