Дөрөв дэх хүүхдээ тээж буй үзэсгэлэнт Меган Фокс

Энэ жил 38 нас хүрч буй жүжигчин Меган Фокс хөл хүнд болсон тухайгаа зарлан, нандин үеийнхээ зургийг дэлгэжээ. 

Дөрөв дэх хүүхдээ хэвлийдээ тээж буй тэрээр сүйт залуу MGK-ийнхээ хүүхдийг тээж буй бөгөөд ирэх гуравдугаар сард амаржих аж. Хосууд хүүхдийнхээ хүйсийг зарлахыг түр азнаж байгаа тухай эх сурвалж мэдээлсэн байна. 

Нүцгэн биеэ хар өнгийн шингэн зүйлээр бүрхсэн зургаа жирэмсний тестийн зурагтайгаа хамт постлосон Меган Фокс "Юу ч бүрмөсөн алга болдоггүй. Тавтай морил" хэмээн тайлбар бичжээ. Ийнхүү бичсэн учир нь жүжигчин бүсгүй 2023 онд мөн жирэмсэлсэн ч харамсалтай нь ураг нь 10 долоо хоногтойдоо эндсэн бөгөөд энэхүү үйл явдлын дараа ихэд харамсан, амиа хорлох хүртэл бодол орж ирсэн тухай дурдсан байдаг. 

Меган Фоксийг энэхүү баярт мэдээгээ хуваалцсаны дараа түүний экс нөхөр болох Брайн Остин Грин баяр хүргэж, гэр бүлийнхээ шинэ гишүүнээ хүлээн авах гэж буйдаа баяртай байгаагаа илэрхийлсэн байна. Тэд дундаасаа гурван хүүтэй. 

Харин MGK-ийн хувьд 15 настай нэг охинтой. Хосууд 2020 онд "Midnight in the Switchgrass" киноны зураг авалтын үеэр танилцаж, 2022 онд сүй тавьжээ.