Dispatch Жүжигчин Жон Ү Соны нууц хүүхдийн ээжийг илчлэв

Өмнөд Солонгосын А зэрэглэлийн жүжигчдийн нэг болох Жон Ү Сон загвар өмсөгч Мүн Га Би нар дундаасаа хүүхэдтэй болохыг тус улсын хэвлэл мэдээллийн хэрэгсэл болох Dispatch олон нийтэд дэлгэжээ. 

Тэдний хүү энэ оны гуравдугаар сард мэндэлсэн ба загвар өмсөгч Габи тухайн үед хүүхэдтэй болсноо зарласан ч хүүгийнх нь аав чухам хэн болохыг олон нийтэд мэдээлээгүй байна. Жүжигчин Жон Ү Соны хувьд гэр бүл зохиоход бэлэн биш байгаа хэдий ч хүүхдийнхээ өмнө хариуцлага хүлээхээ амлан, эцэг байх үүргээ ухамсарлана хэмээжээ.  

Энэ жил 51 нас хүрч буй Жон Ү Сон мөн хүүгээ төрсний дараа хамт өсгөлцөж, асаргаа сувилгаанд нь Га Битай хамтдаа байсан ч уг мэдээлэлд албан ёсоор мэдэгдэл хийгээгүй байна. 

Мүн Га Бигийн хувьд энэ жил 35 нас хүрч буй. 2011 онд Дэлхийн миссд оролцож, бикини төрөлд шилдгээр шалгарч байсан тэрээр эрлийз мэт өвөрмөц төрхтэйгөөрөө алдартай нэгэн ажээ.