Циркийн уран нугараач Э.Лхагва-Очир "Алтан цом" хүртжээ

Монгол хүн дэлхийн аль ч улс оронд эх орныхоо нэрийг өндөрт өргөн ирдэг билээ. Үүний тод жишээ болж Монголын үндэсний циркийн жүжигчин СТА Э.Лхагва-Очир Франц улсын Гринобле хотод зохиогдсон Олон улсын циркчдийн 22 дахь удаагийн наадамд амжилттай оролцож, Алтан цомын эзэн боллоо.

Тус тэмцээнд дэлхийд анх удаа “Давхар сандлын тэнцвэр” төрлөөр 11 метрийн өндөрт тэнцвэрийн гайхамшгийг үзүүлсэн юм. Энэхүү үзүүлбэр нь сандалын тэнцвэрийн төрөлд шинэчлэл хийсэн юм.

Түүний амжилтуудаас дурдвал,
 

• Монте Карлогийн Олон Улсын 16 дахь удаагийн Өсвөрийн циркчдийн наадмын хүрэл цом, Чарли Чаплиний нэрэмжит тусгай цом. Монако, 2004 он.
   
• "Ханой" Олон Улсын циркийн 4-р Их наадам. Алтан цом. Вьетнам, 2012 он.
   
• "Хүэ" Олон Улсын Соёлын наадмын Тусгай шагнал. Вьетнам, 2012 он.
   
• Лиана Орфэйн нэрэмжит Олон Улсын циркийн 29 дэх удаагийн "Алтан наадам". Мөнгөн цом. Итали, 2013 он.
   
• 14 дэх удаагийн Будапештийн циркийн наадам. “Будапештийн тусгай цом” - Унгар улс. 2022 он.