Бавуугийн Лхагвасүрэн агсны 80 насны ой ӨНӨӨДӨР тохиож байна

Монголын утга зохиолын томоохон төлөөлөл болсон нэрт зохиолч Бавуугийн Лхагвасүрэн агсны 80 насны ой өнөөдөр /2024.11.27/ тохиож байна. Энэхүү ойн өдрийг тохиолдуулан "Бавуугийн Лхагвасүрэн сан", түүний үр хүүхэд болон шавь нар эрдэм шинжилгээний хурал зохион байгууллаа.

"Бавуугийн Лхагвасүрэн сан" нь үүсгэн байгуулагдаад жил хагасын нүүрийг үзээд байна. Тус сангийн үйл ажиллагааг ач хүү C.Хабул удирдан зохион байгуулж, цаашид олон арга хэмжээ, томоохон ажлуудыг хийж гүйцэтгэх төлөвлөгөөтэй байгаагаа ярилаа. 

Бавуугийн Лхагвасүрэн агсны 80 насны ойн өдөрт зориулсан эрдэм шинжилгээний хуралд түүний гэр бүл, дотны найз нөхөд, уран бүтээлийн хамтрагчид хүрэлцэн иржээ. Тус эрдэм шинжилгээний хурлын хүрээнд монголын утга зохиолын төлөөлөгчид болон шавь нар нь илтгэлээ танилцуулж, дурсамж яриа өрнүүлжээ.