Дуучин Меган Трэйнор инээмсэглэх боломжгүй болжээ

Дуучин Меган Трэйнор ботокс хэтрүүлэн хэрэглэсний улмаас инээмсэглэж чадахгүй байгаа тухайгаа саяхан орсон ярилцлагынхаа үеэр дурджээ. 

Энэ тухайгаа тэрээр "Би хэд хэдэн удаа ботокс хийлгэж байсан л даа. Гэхдээ зүгээр дух хэсэгтээ. Зарим хүмүүс намайг өөрийгөө жижигхэн уруултай гэж бодоход хүргэсэн. Тэгээд дээд уруулаа томруулах хэрэгтэй гэдэгт итгүүлсэн. Гэхдээ тийм биш байсан. Бас би дахин инээмсэглэж чадахгүй. Хар л даа... энэ бол миний инээмсэглэж чадах хэмжээ. Би яаж ч хичээсэн инээмсэглэж чадахгүй. Инээмсэглэх гэж хичээх үед маш их өвдөлт мэдэрдэг. Зурган дээр аз жаргалтай мөчүүдээ үлдээх гэж хичээвч би ердөө ч аз жаргалтай харагддаггүй. Яг л ямар нэгэн муухай зүйл үнэрлэсэн мэт харагддаг" гэжээ. 

Мөн тэрээр удахгүй хөхний мэс засалд орохоор төлөвлөж байгаа тухайгаа дурдан "Ээж болж, хөх минь сүүгээр дүүрсэн. Дараа нь сүү ширгэж, хоёр дахь хүүхдээ төрүүлэхэд дахин дахиад л дүүрсэн. Үүний дараа мэдээж дахиад л сүү ширгэнэ. Би мөн жингээ хассан. Эцэст нь зүгээр унжсан хөхтэй үлдсэн. Удахгүй би тоглолтоо хийнэ. Мэдээж гайхалтай хувцаснууд өмсөх учраас хөх минь асуудал болж магадгүй. Би олон жилийн турш хөхний мэс засалд орох тухай хошигнож ярьдаг байсан. Одоо үүнийг бүх насаараа хүсэн хүлээсэн мэт л тэсэн ядан хүлээж байна" хэмээсэн байна. 

Тэрээр 2018 онд жүжигчин Дэрил Сабаратай гэрлэж 2021 онд хүү Райлиг, 2023 онд хүү Барригаа өлгийдөн авчээ.