Хараагаа алдсан Элтон Жон шоуныхаа нээлтэд хүрэлцэн ирэв

Алдарт дуучин Элтон Жон орон нутгийн цагаар ням гарагийн орой болсон “The Devil Wears Prada: The Musical"-д нөхөр Дэвид Фурнишийн хамт хүрэлцэн иржээ. 

Уг мюзиклийн зохиолыг Элтон Жон бичсэн бөгөөд тайзнаа гарч ирсэн тэрээр "Та бүхний зарим нь мэдэж байгаа байх. Би саяхан асуудалд орж одоо хараагүй болсон. Тоглолтоо үзэж чадаагүй ч сонсоход таатай байлаа. Та бүхнийг хүрэлцэн ирсэнд баярлалаа" гэжээ. 

Тэрээр уг мюзиклийн зохиолоо 2022 онд бичиж, олон нийтэд танилцуулсан ч амжилттай болж чадаагүй бөгөөд энэ удаад ДОХ-ын эсрэг санд хандив өргөх зорилгоор дахин тайзнаа тавьж байгаа аж. 

Энэ жил 77 нас хүрч байгаа тэрээр өнгөрөгч долоодугаар сард Францад явж байхдаа нүдэндээ халдвар авч, улмаар хараагаа алдахад хүрчээ. Түүний баруун нүд бүрэн хараагаа алдаж, зүүн нүд нь сул хараатай болсон. Үүнээс үүдэн амьдралын чанар нь доошилж, сул дорой мэт санагдаж байгаа тухайгаа тэрээр "Энэ бүхэн намайг ямар нэгэн байдлаар шалд нь буулгаж, би юу ч харж чадахгүй байна. Юу ч уншиж чадахгүй, юу ч үзэж чадахгүй байгаа" хэмээн ярьсан байна. 

Түүний 25 сая ам.долларын өртгөөр бүтсэн Бродвэй шоу болох "Тэмми Фэй" ч мөн нээлтээ хийснээс ердөө тав хоногийн дараа хаалтын товоо зарлаж, Элтон Жон санхүүгийн хувьд уналтад ороод байгаа тухай эх сурвалж мэдээлжээ.