Өсвөрийн Дэлхийн аварга Т.Ариунзаяа  "Их дуулга”-аас хүрэл медаль хүртлээ

Япон улсын нийслэл Токио хотод жүдо бөхийн энэ оны сүүлийн их дуулга арванхоёрдугаар сарын 7-8-ны өдрүүдэд болж байгаа бөгөөд тэмцээнд 47 орны 245 (Эрэгтэй 140, Эмэгтэй 105) тамирчин өрсөлдөж байна.

Тэмцээнд манай улсаас Үндэсний шигшээ багийн ахлах дасгалжуулагч У.Эрдэнэбаатар, дасгалжуулагч М.Бундмаа нарын удирдлага дор нийт 20 (эрэгтэй 9, эмэгтэй 11) тамирчин хүч үзсэнээс эмэгтэйчүүдийн 57 кг-ын жинд Т.Ариунзаяа Японы бөхийн нэмэлт цагт ялсанаар хүрэл медаль хүртлээ.

Эмэгтэйчүүдийн 57 кг-ын жинд барилдсан Т.Ариунзаяа /Гүрү дожо/ эхний тойрогт “Залуучуудын Азийн АШТ”-ий хүрэл мeдальт Казакстан улсын Дана Абдироваг, 2 дугаар тойрогт 2024 оны “Абу Дабигийн их дуулга” тэмцээний мөнгөн медальт Зуeва Иринаг тус тус ялснаар Б хэсгийн аваргын төлөө барилдах эрхтэй болсон ба эзэн орны тамирчин Фүчида Мэгүмид торгуулиар ялагдсан юм. Улмаар дагах барилдаанд 2023 оны “Токиогийн их дуулга” тэмцээний мөнгөн медальт Бразил улсын Жeссика Лимаг ялж хүрэл медалийн төлөө барилдах эрхтэй болсон.

Манай тамирчин хүрэл медалийн төлөө ДАШТ-ий мөнгө, хүрэл медальт, Азийн наадмын алт, мөнгөн медальт Япон улсын тамирчин Момо Тамаокиг нэмэлт цагт вазари үнэлгээгээр ялж Токиогийн "Их дуулга” тэмцээнээс хүрэл медаль хүртэж, 17 настайдаа насанд хүрэгчдийн ангиллаас анхны мeдалиа зүүлээ.