Согтуугаар автомашин жолоодсон реппер “Roockie”-г шалгаж ЭХЭЛЛЭЭ

Реппер Rookie буюу У.Мөнхбагана өнгөрсөн шөнө согтуугаар жолоо барьж буй бичлэгээ олон нийтийн сүлжээнд цацлаа. 

Дээрх бичлэгийн мөрөөр цагдаагийн байгууллага шуурхай ажиллан, түүний байгаа газрыг олж тогтоон, Хан-Уул дүүргийн цагдаагийн газарт хүргэжээ. Одоо шалгалтын ажиллагаа явуулж байна гэж Цагдаагийн ерөнхий газраас мэдээллээ.

Замын хөдөлгөөний аюулгүй байдлын тухай хуульд зааснаар согтуугаар тээврийн хэрэгсэл жолоодсон, эсхүл согтуурсан, мансуурсан эсэхийг зохих журмын дагуу шалгуулахаас зайлсхийж жолооны эрхээ хасуулсан хүн дахин тус зөрчлийг гаргавал эрүүгийн хариуцлага хүлээнэ. Энэ тохиолдолд Эрүүгийн хуулийн 27.10 дугаар зүйлийн тав дахь хэсэгт зааснаар жолооны эрхийг нь 1-3 жил хүртэл хугацаагаар хасаж, хоёр сая 700 мянгаас 14 сая хүртэл төгрөгөөр торгох, 240-720 цаг хүртэл хугацаагаар нийтэд тустай ажил хийлгэх, 6-3 жил хүртэл хугацаагаар зорчих эрхийг хязгаарлах, эсхүл мөн хугацаагаар хорих ял шийтгэнэ гэж заасан байна.

Сануулахад, өнгөрөгч арваннэгдүгээр сард тэрбээр "CU" сүлжээ дэлгүүрийн ажилтны биед халдсан хэргээр Зөрчлийн хуулийн дагуу 100 мянган төгрөгөөр торгуулж байсан юм.