Монголын шатарчид Дэлхийн аваргын төлөө элит шатарчидтай чуулна

Олон улсын шатрын холбооноос 2024 оны арванхоёрдугаар сарын 26-31-ний өдрүүдэд АНУ-ын Нью-Йорк хотноо түргэн болон түргэвчилсэн тоглолтын Дэлхийн аварга шалгаруулах тэмцээнийг зохион байгуулна.

Тус тэмцээнд зөвхөн стандарт, түргэн, түргэвчилсэн тоглолтын үндэсний аваргууд болон тухайн жилд аль нэг төрлийн олон улсын чансаа нь эрэгтэй 2550, эмэгтэй 2250 онооноос давсан бол оролцдог өндөр шалгууртай тэмцээнүүдийн нэг юм.

Энэ жил эрэгтэй ангилалд Магнус Карлсен, Фабиано Каруана, Фирузджа Алиреза, Накамура Хикару, Вашье-лаграв Максим, эмэгтэй ангилалд Жу Венжун, Тан Жонги, Лэй Тинцзе, Костенюк Александра, Лагно Екатерина нарын тэргүүтэй шатарчид гарааны жагсаалтыг тэргүүлж байна. Тэгвэл Монгол улсаа төлөөлөн дараах шатарчид дэлхийн шилдэг шатарчидтай өрсөлдөнө.

Эрэгтэй ангилалд:
 

• ИМ Д.Батсүрэн
• ОУМ Г.Амартүвшин
• ОУМ С.Ган-Эрдэнэ

Эмэгтэй ангилалд:
 

• ОУМ, эИМ Б.Мөнгөнтуул
• эИМ Т.Мөнхзул
• эИМ Ү.Үүрийнтуяа
• эОУМ Д.Мөнхзул
• эОУДМ Б.Мөнгөнзул
   

Тэмцээн арванхоёрдугаар сарын 26-28-ны өдрүүдэд түргэн буюу рапид төрлийн тоглолтоор эхлээд 30-31-ний өдрүүдэд түргэвчилсэн буюу блиц төрлөөр үргэлжилнэ. Харин тэмцээний амралтын өдөр болох 29-ний өдөр “Уолл стритийн гамбит” нэртэй шатар болон санхүүгийн зөвөлгөөн зохион байгуулагдана.

Монгол эх орноо төлөөлөн дэлхийн аваргын төлөө өрсөлдөх шатарчдадаа өндөр амжилт хүсье!

Тэмцээний дэлгэрэнгүй мэдээллийг дараах холбоосоор орж харна уу ⁦https://worldrapidandblitz2024.fide.com⁩

Тэмцээний өргүүдийн шууд дамжуулалтыг дараах холбоосоор орж үзнэ үү ⁦https://lichess.org/broadcast/fide-world-rapid--blitz-championships-2024--open-rapid/round-1/kTmtGlGP⁩