Олон улсын шатрын холбоо Т.Мөнхзул, Б.Мөнгөнзул нарыг онцоллоо
Олон улсын шатрын холбооноос сар бүрийн 1-ний өдөр гадаад чансааны жагсаалтыг шатрын спортын стандарт /классик/, түргэн /рапид/, түргэвчилсэн /блиц/ гэсэн гурван үндсэн төрөлд шинэчлэн гаргадаг билээ.
2025 оны нэгдүгээр сарын 1-ний өдрийн шинэчилсэн жагсаалтаар гадаад чансааны үсрэнгүй өөрчлөлт гаргасан эхний 100-д эрэмбэлэгддэг шатарчдыг Олон Улсын шатрын холбоо нийтлэлдээ онцолсон байна.
Уг нийтлэлд шинэ оны босгон дээр зохион байгуулагдсан түргэн болон түргэвчилсэн тоглолтын Дэлхийн аварга шалгаруулах тэмцээний үеэр стандарт төрөлтэй харьцуулашгүй томоохон өөрчлөлтүүд гарсан бөгөөд Их мастер Т.Мөнхзул түргэн төрөлд +24, Б.Мөнгөнзул түргэвчилсэн төрөлд +60 дүнгээр тус тус гадаад чансаагаа нэмэгдүүлсэн болохыг дурьджээ.
Олон улсын шатрын холбооны дэлгэрэнгүй нийтлэлийг дараах холбоосоор орж унших боломжтой. https://fide.com/news/3372
Монгол Улсын идэвхтэй шатарчдын гадаад чансааны жагсаалттай дараах холбоосоор орж танилцана уу.
Эмэгтэй: https://ratings.fide.com/rankings.phtml?country=MGL&gender=F
Эрэгтэй: https://ratings.fide.com/rankings.phtml?country=MGL&gender=M
Холбоотой мэдээ
Сэтгэгдэл ( 0 )