Жүжигчин И Жун Жэгийн огцом хөгшрөлт олныг гайхшируулав

Netflix-ийг гурван долоо хоногийн турш үзэлтээрээ тэргүүлж буй "Squid Game 2" киноний гол дүрийн жүжигчин болох И Жун Жэгийн огцом хөгшрөлт шүтэн бишрэгчдийнх нь санааг зовоож эхэлжээ. 

Түүний “The Hollywood Reporter” сэтгүүлд өгсөн ярилцлагын үеэр нүүр, тэр дундаа хүзүүнийх нь арьс илт унжсан харагджээ. Саяхан цацагдсан "Squid Game 2" кино дээр түүний хүзүү энгийн харагдсныг онцолсон шүтэн бишрэгчид нь кинонд засвар орсон байж болзошгүй хэмээн таамагласан байна. 

Жүжигчин И Жун Жэ энэ жил 52 нас хүрч буй. Хэдийгээр наснаасаа залуу харагддаг ч бодит байдал болон кино хоёр эрс зөрүүтэй байгаа нь үзэгчдийг бага зэрэг цочирдуулжээ. 

Түүнийг ийнхүү харагдах болсон нь огцом жин хассантай нь холбоотой байж болох ч эрүүл мэнд болон сэтгэл зүйн асуудал байж болзошгүй хэмээн шүтэн бишрэгчид нь санаа зовниж эхэлсэн байна.