И Мин Угийн агентлаг Пак Бумтай холбоотой асуудалд анх удаа ТАЙЛБАР хийв

2NE1 хамтлагийн гишүүн Пак Бум жүжигчин И Мин Угийн зургийг өөрийн инстаграм хуудаснаа оруулан түүнийг өөрийн нөхөр хэмээн бичсэн нь багагүй шуугиан дэгдээгээд байсан билээ. Энэ үйлдэл хэд хэдэн удаа давтагдсан бөгөөд эцэст нь И Мин Угийн агентлаг уг асуудалд албан ёсны тайлбар хийлээ. 

И Мин Угийн харьяа агентлаг болох MYM Entertainment-ийн зүгээс "И Мин У Пак Бумтай хувийн харилцаагүй. Энэхүү цуу яриа нь ор үндэслэлгүй зүйл юм" гэжээ. 

Уг асуудалд дуучин Пак Бум мөн тайлбар хийсэн. Уг тайлбарт "Пак Бум байна. Үнэндээ би ганц бие. И Мин У надаас хүссэн учраас зураг оруулсан ч би ганц бие гэдгээ хэлэх гэсэн юм. Өдрийг сайхан өнгөрүүлээрэй" хэмээсэн байна. 

Энэхүү тайлбар мэдээлэл цацагдсаны дараа олон нийт Пак Бумын сэтгэл зүйн асуудалд санаа зовниж буйгаа илэрхийлж, И Мин У үргэлжүүлэн эвгүй байдалд орсоор буй нь төвөгтэй санагдаж буйг илэрхийлжээ.