Чөлөөт бөхийн оюутны УАШТ эхэллээ

Шинэ яармаг дахь Үндэсний БТДС-ийн Спортын ордонд өнөөдөр чөлөөт бөхийн 2025 оны оюутны УАШТ эхэлж байна.

Тэмцээнд 13-н ИДС-ийн 70 гаруй оюутан тамирчид нь эмэгтэй, эрэгтэй олимпын 6 жинд хурд, хүчээ сорин өрсөлдөж байна. 

Тэмцээний хөтөлбөрийн дагуу уржигдар техникийн зөвлөгөөн явагдан, сугалаа хийгдэн, мандат олгогдож, өнөөдөр өглөө 08:30-09:30 цагийн хооронд тамирчдын жинг үзсэн юм. 

Тэмцээнийг МОСХ, Үндэсний БТДС-аас хамтран зохион байгуулж, МЧБХ-ны мэргэжлийн шүүгч нар шүүлтийн үйл ажиллагааг удирдаж байна. 

Тэмцээний урьдчилан барилдаан явагдан, 15:00 цагаас нээлтийн ёслолын ажиллагаа зохион байгуулагдах хуваарьтай байгаа юм. 

Нээлтийн ёслолын ажиллагааны дараа жин тус бүрийн дагах барилдаанууд явагдан, цаашид медалийн төлөө өрсөлдөн, 2025 оны оюутны улсын аваргын медальтанууд чөлөөт бөхийн төрлөөс анхлан тодорно.

Дашрамд хэлэхэд Монгол Улсын оюутны аварга шалгаруулах чөлөөт бөхийн тэмцээнд  доорх ИДС-ийн оюутнууд оролцож байна. Үүнд: 

1. Аварга дээд сургууль 
2. АШУҮИС
3. ИЗОУИС
4. Мон-Алтиус
5. МУБИС 
6. МУИС 
7. СЭЗИС 
8. ҮБТДС 
9. ХААИС 
10. ХУИС 
11. ШУТИС 
12. ДХИС 
13. Техник технологийн дээд сургууль