Дөрөвдүгээр сард Маршал Х.Чойбалсангийн нэрэмжит барилдаантай

Монголын үндэсний бөхийн холбоо дөрөвдүгээр сард зохион явуулах барилдаануудын хуваарийг гаргаж, олонд дэлгэлээ. Энэ сард сонирхолтой томоохон барилдаан бөхийн хорхойтнуудыг хүлээж байгаа юм байна.

Тухайлбал, маршал Хорлоогийн Чойбалсангийн нэрэмжит улс, аймгийн алдар цолтой 128 бөхийн барилдаан 12-нд Бөхийн өргөөнд товложээ. Үүнээс долоо хоногийн дараа аваргын дайтай амжилт гаргасан Урт гарт хэмээх Маамын Лхагва арслангийн нэрэмжит барилдаан болох юм.

Мөн Улаанбаатар хотын аварга шалгаруулах чансаа өндөр бөхчүүдийн 3х3 барилдаан олны сонирхлыг татах нь дамжиггүй.

Та бүхэн энэ сарын барилдааны хуваарийг дороос харна уу.
 

• Дөрөвдүгээр сарын 01-ний Мягмар: Дорнод аймгийн Чойбалсан   хотод  “Дорнын Хүчтэн” дэвжээний нэрэмжит  Улс аймгийн цолтой 128 бөхийн барилдаан,
   
• Дөрөвдүгээр сарын 05-ны Бямба: Сумын цолтон болон залуу бөхчүүдийн ээлжит барилдаан,
   
• Дөрөвдүгээр сарын 06-ны Ням: Сүхбаатар аймгийн Онгон сумын 100 жил, Улсын өсөх идэр харцага Дахын Одсүрэнгийн нэрэмжит улс аймгийн цолтой 128 бөхийн барилдаан,
   
• Дөрөвдүгээр сарын 12-ны Бямба: Монгол улсын Ерөнхий сайд, Улсын хошой баатар,  Маршал Х.Чойбалсангийн нэрэмжит улс аймгийн цолтой 128 бөхийн барилдаан,
   
• Дөрөвдүгээр сарын 19-ний Бямба: “Хамбын бор”, “Урт гарт” хэмээх  Монгол Улсын  хүчит  арслан  Маамын Лхагвын нэрэмжит улс, аймаг, сумын цолтой хүчит 256 бөхийн барилдаан,
   
• Дөрөвдүгээр сарын 20-ны Ням: Улаанбаатар хотын аварга  шалгаруулах Чансаа өндөр бөхчүүдийн  3х3 халз  барилдаан,
   
• Дөрөвдүгээр сарын 21-ний Даваа: Завхан аймгийн Баянтэс сумын  шинэ Спорт заалны нээлтийн барилдаан,
   
• Дөрөвдүгээр сарын 26-ны Бямба: Нийслэлийн МАН-ын нэрэмжит Улсын аварга цолны хүндэтгэл улс, аймаг, цэргийн цолтой хүчит 128 бөхийн барилдаан,
   
• Дөрөвдүгээр сарын 27-ны  Ням: Улаанбаатар хотын аварга  шалгаруулах Чансаа өндөр бөхчүүдийн  3х3 халз  барилдаан тус тус зохион байгуулагдана.