Комбат бөхийн ААШТ-ээс Э.Адъяа мөнгөн медаль хүртлээ

Комбат буюу Тулаант бөхийн 2025 оны Ази тивийн аварга шалгаруулах тэмцээн энэ сарын 22-ноос Япон Улсын Хонжо хотод эхэлсэн.

Монголын баг тамирчид тус тэмцээнд амжилттай оролцож, эхний медалиудаа хүртжээ.

Насанд хүрэгчдийн 74 кг-ын жинд Хил хамгаалах ерөнхий газрын харьяа хилийн цэргийн 0277 дугаар ангийн ахмад Эрдэнэмөнхийн Адъяа амжилттай барилдаж, мөнгөн медаль хүртсэн байна.