Их мастер А.Энхтуул Гавьяат тамирчин цолоор шагнагдлаа
Олон Улсын шатрын Их мастер, Монгол Улсын 25 дахь аварга, Дэлхийн шатрын холбооны Глобал бодлогын зөвлөлийн гишүүн, дасгалжуулагч, Дотоодын цэргийн 809 дүгээр ангийн хамгаалалтын ажилтан, ахлах ахлагч, “Макс Групп”-ийн тамирчин А.Энхтуул өнөөдөр (2025.07.07) Монгол Улсын Ерөнхийлөгчийн зарлигаар “Монгол Улсын Гавьяат тамирчин” хэмээх төрийн дээд цол хүртлээ.
Тэрээр Монголын шатрын түүхэнд өөрийн нэрийг тод мөрөөр бичиж, Олон Улсын тавцанд эх орныхоо нэрийг өндөрт өргөсөн, тогтвортой, амжилт арвин замналтай тамирчин юм.
2024 онд А.Энхтуул дараах тэмцээнүүдэд амжилттай оролцож, эх орныхоо нэрийг дэлхийд дуурсгасан билээ.
- “Big Rook International Chess Tournament” – Тайландын Бангкок хотод зохион байгуулагдсан энэхүү тэмцээнд эмэгтэйчүүдийн ангилалд тэргүүн байр
- “21st Bangkok Open International Chess Championship” – Тайландын Хуахин хотноо болсон тэмцээнд эмэгтэйчүүдийн ангилалд 3-р байр
Эдгээр амжилт нь түүний тууштай хичээл зүтгэл, олон жилийн уйгагүй хөдөлмөрийн үр дүн бөгөөд Монголын шатрын хөгжлийн нэгэн тод түүх болон үлдэж байна.
Холбоотой мэдээ
Сэтгэгдэл ( 2 )
Бадарч гуйаг Хил хамгаалам байгууллага тодохойлж гэнээ. Зохиолчдын эвлэл гээч уваагүй байгууллага тодорхойлохгүй л дээ. Энхтуулыг бас шатрын холбоо нь бас байхгүй цэргээс авдаг гэнээ. Тиймээм энэ холбоод эвлэл байхгүй байвал таарна.
их мастерт баяр хүргье..