”Монголын цом 2011” нисэх загварын тэмцээн эхэллээ

"Монголын цом 2011" нэртэй нисэх загварын чөлөөт нислэгийн дэлхийн цомын нээлттэй олон улсын тэмцээн өнөөдөр Цонжин-болдог дахь Чингисийн хөшөөт цогцолборын гадна талбайд нээлтээ хийлээ. Уг тэмцээн Налайх дүүргийн ойролцоо Дархан ноёны худаг хэмээх газар наймдугаар сарын 4-нийг хүртэл үргэлжлэх юм. Тэмцээнд Япон, БНХАУ, Хойд Солонгос, БНСУ, ОХУ-ын тамирчдаас гадна манай улсын 70 гаруй тамирчин орохоор бүртгүүлжээ. Зохион байгуулагчаар Монголын нисэх загварын спортын нийгэмлэг ажиллаж байна.

Эх сурвалж: Амралтын шуудан