Жирэмсэн эмэгтэйг охиных нь хамт хөнөөсөн этгээдийг ЦАГДАН ХОРЬЖЭЭ

БЗД-ийн нутаг дэвсгэр Дарь эхэд хүн амины ноцтой хэрэг гарсан. 30 настай эмэгтэйг 3 болон 4 настай охинтой нь хамт хутгалж, ээж 4 настай охинтойгоо амиа алдсан харамсалтай хэрэг гарсан бөгөөд энэ талаар ЦЕГ “ Цагдаагийн байгууллагад 2026.01.04-ний өдрийн 23.00 цагийн орчимд БЗД-ийн 27 хорооны нутаг Дунд дарь эх ..... тоотод “манай эхнэр нас барсан байна” гэх мэдээлэл бүртгэгдсэн. Дуудлага мэдээллийн дагуу шалгалтын ажиллагааг явуулахад 30 настай, эмэгтэй М, 4 настай, эмэгтэй А, 3 настай, эмэгтэй, А нарын биед мэс ашиглан халдаж, М, 4 настай А нарын амь нас хохирсон болох нь урьдчилсан байдлаар тогтоогдоод байна. Дээрх хэрэгт ЦБ-аас ажлын хэсэг байгуулан иргэн 48 настай эрэгтэй Б-г холбогдуулан шалгалтын ажиллагаа явуулж байна. Цаашид хэрэгт мөрдөн шалгах ажиллагаа явагдаж байгаа тул хэргийн талаар дэлгэрэнгүй мэдээллийг нийтэд мэдээллэх боломжгүй. 3 настай эмэгтэй А-н биеийн байдал хүндэвтэр эмнэлэгийн байгууллагын хяналтад эмчлэгдэж байгаа” гэлээ.

Дээрх хэрэгт цагдаагийн байгууллагаас ажлын хэсэг байгуулан иргэн 48 настай эрэгтэй Б-г холбогдуулан шалгалтын ажиллагаа явуулсан ба тухайн хэргийг үйлдсэн этгээд хажуу айлын хөрш нь байж болзошгүй гэж хэргийн мэдээлэлд авагдсан.

Тэгвэл дээрх этгээдийг баривчилсан шийдвэрийг шүүхээс хүчинтэйд тооцон, цагдан хорьсон байна.