ШЕЗ-ийн удирдах албан тушаалтан ажилтандаа бэлгийн дарамт үзүүлсэн гэв
Шүүхийн Ерөнхий зөвлөлийн удирдах албан тушаалтан болох Б.Эрдэнэтулга гэх эрхэм ажилтандаа бэлгийн дарамт үзүүлсэн гэх мэдээлэл цацагдаад байна.
Тодруулбал, Б.Эрдэнэтулга нь тус байгууллагад ажиллаж байсан Ч.Ханддулам гэх эмэгтэйд бэлгийн дарамт үзүүлсэн гэх бөгөөд уг эмэгтэй энэ тухай Хүний эрхийн үндэсний комисст гомдол гаргажээ. Хүний эрхийн үндэсний комиссоос түүний нөхцөл байдлыг шалгаж үзээд бэлгийн дарамт үзүүлсэн болохыг тогтоосон хэмээж байсан ч шийдвэр гаргалгүй байсаар "найрсаг яриа өрнүүлсэн" гэх тодорхойлолттойгоор буцаагджээ.
Ч.Ханддулам бүсгүйн ярьснаар ХЭҮК-т Б.Эрдэнэтулгын төрсөн ах Б.Эрдэнэбат гэх хүн ажилладаг тул тухайн хэрэг ийнхүү Б.Эрдэнэтулгын талд шийдэгдсэн байж болзошгүй хэмээн үзэж байгаагаа илэрхийлжээ.
Бэлгийн дарамт үзүүлсэн гэх үндэслэлээр ХЭҮК-т Ч.Ханддуламаас гадна өөр хоёр ч эмэгтэй мөн гомдол гаргасан байх бөгөөд хууль сахиулах дээд байгууллагууд ийнхүү бусдын эрхийг зөрчиж байгаад гомдолтой байгаагаа илэрхийлсэн байна.
Сэтгэгдэл ( 0 )